Pëllumbeshë e vogël,
Që më le folenë,
Ike, po atje
Kujtimet të mbenë.
Ike dhe zure
Një folezë tjetër
E merak të mbeti
Foleza e vjetër.
Ike, u martove
Dhe ti, si të tjerat,
Ike, i harrove
Lodrat dhe pranverat.
I harrove lodrat,
Lodrat e rinisë,
Se në mes të hynë
Hallet e shtëpisë.
Haj, moj pëllumbeshë,
Ty të përgjërohem,
Së bashku me botën
Dhe unë rrotullohem.
Dhe unë rrotullohem
E bëhem si ti,
Të të puth në ballë,
O moj vajzëri.
Vajzëri, që ike
E më s’kthehesh prapa,
Do na ngrijë dimri,
Do na djegë vapa.
9 shkurt 2009
Po ti nuk e dije
Çdo hap që ti hidhje,
Rrija dhe përgjoja,
Po ti nuk e dije
Se unë të kërkoja.
Një zjarr e një flakë
Ma ndizje, ma fikje,
Unë të gjurmoja,
Po ti larg më ikje.
Nuk e di akoma
Përse m’u mbyll goja,
Ndaj ti nuk e dije
Se sa shumë të doja.
Yll, o yll i ndritur,
Që më le në hije,
Eh, ta kishe ditur,
Po ti nuk e dije.
Po ti nuk e dije
Akoma s’e di,
Një e vetme mbete
Në dy sytë e mi.
Veç ty ëndërrova,
Zgjuar dhe fjetur,
Një e vetme mbete,
Fare e paprekur.
2 korrik 2008
Trinitrina*qe na riperterisjne,i mir Poeti yne e rralle.
Te prifte PENA si gjithnje,melhemin ne plga e ven!
Shkruar 12 vjet me pare,sot keto vargje sjelle,
*Pellumbeshave* jetuar, pena yte pa pushuar..
Pena *TOP* per POLITIKANET!
E mira ju prifte.si vete IDEON !
Ti AZGANI jone!
Toronto 12-06-2021 85 vjetorin e lindies festuar;
Guri Naimit D.
PARODI
VALSI I KUSARËVE
Sa neveri kur vazhdoj dëgjoj
Që mafia lejla dhe këtë herë
Zgjedhjet i bleu dhe i fitoi
Me po të njëjtin avaz si përherë
Bashkë me rilindjen lejla
Patronazhistët lulëzojnë
Tani opozita është në bela
Ramën prapë duhet të durojnë
Refreni:
Tall bythën tall, o Edvin
Me këtë mizerie atdhe
Dukë “poeti” bën propagandë
I katandisur në këtë derexhe
La la la, la la la
La la la, la la le
Shqipëria duhet të ishte zonjë,
E katandisën si një hale
Amerika nuk mban sehir
Ajo me vrap Ramën e uron
Për zgjedhjet mjaft korrekte
Edhe pse Edvini veç mashtron
Saliun e nxorrën “Non Grata”
Do drejtësi SHBA-ja këtë herë
Për çdo hajdutllëk në këto 8 vjet
E ka prapë fajin Saliu si përherë
Refreni:
Tall bythën tall, o Edvin
Me këtë popull delesh dhe idiotë,
Sa të kesh Lulin që bën teatër
Në kuvend, e në shesh protesta kot
La la la, la la la,
La la la, la la le
Na premtuan integrimin
Kush e integron një hale?!
La la la, la la la,
La la la, la la le,
Asnjë qeveritar s’është dënuar
Kjo na qënka drejtësia e re!