Ministri i Mirëqenies Sociale, Erion Veliaj, pas mbledhjes së Këshillit Kombëtar të Punës, dha lajmin e mirё pёr pensionistёt.
Konkretisht, minatorët do dalin në pension në moshën 55-vjeçare ndërsa për muajin korrik do ketë rritje të pensioneve me 2%.
Por, sipas tij, do ketë rritje të moshës për profesionet që konsiderohen më të lehta.
“Pensionet për muajin korrik do rriten me 2%. Javën e kaluar patëm një mbledhje të bordit të ri të sigurimeve shoqërore. E theksoj ky është lajm i mirë kjo pasi rritja ekonomike e vendit nuk ka qenë 2% por një 1,5%. Është lajm i mirë se po i rrisim pensionet më shumë se çka qenë rritja ekonomike e vendit”, vlerёsoi ministri.
Pёr minatorёt kishte njё sihariq.
“Minatorët do dalin në pension 55 vjeç. Jemi siguruar që disa profesione që konsiderohen më të lehta tu rritet mosha e pensionit në 60 vjeç. Këshilli Kombëtar i Punës aprovoi skemën tonë të re për pensionet”, sqaroi Veliaj.