Vargje të nënshkruara,
Xhevit Zeneli
Është bërë temë e ditës
Po hyn ngadalë ndjenja e frikës
Se hajdutët me kollaro
Janë bërë bakallaro.
Qeveria është betuar
Në media ka deklaruar
Do u shkulë dhëmbë e dhëmballë
Do t’i varrosim të gjallë.
Nga e thëna në të bërë
Përpara një det i gjërë
Si janë liksur e pleksur
Janë qelbur e molepsur.
E drejta ka mbetur jetime
Lëngon, po nuk gjen shërime
Vuan me shpirt e me xhan
Po s’i bën njeri derman.
Korrupsioni është kala
Me përmasa të mëdha
Kala që nuk e prish dot
As me pushkë e as me top.