Përfaqësues të AMT nuk u lejuan të dorëzojnë një kërkesë në ministri, reagon Margariti: Nuk kërkuan takim

Ministrja e Kulturës, Elva Margariti ka reaguar pasi Aleanca për Mbrojtjen e Teatrit u paraqit pranë ministrisë që të dorëzonte një kërkesë për rikthimin e pronës, pasuria Nr. 1/241 me emërtimin “Teatri Kombëtar”, për sipërfaqen prej 5.522,7 m2, nga Bashkia Tiranë, por nuk u lejuan dhe u ndeshën me derën e mbyllur të godinës.

Gjithësesi në reagimin e saj, Margariti thekson se aktivistët u paraqitën sot te dera e Ministrisë pa asnjë kërkesë për takim.

“ Ministrinë e Kulturës priten e përcillen me respekt të gjithë ata që dinë të trokasin, duke respektuar institucionin, qoftë kur kanë ide e projekte për të diskutuar, qoftë kur kanë ankesa apo kritika për të adresuar”, thekson ministrja.

“Keqardhje për gjuhën dhe sjelljen e përfaqësuesve të një grupi, që u paraqit sot te dera e Ministrisë pa asnjë kërkesë për takim.

Në Ministrinë e Kulturës priten e përcillen me respekt të gjithë ata që dinë të trokasin, duke respektuar institucionin, qoftë kur kanë ide e projekte për të diskutuar, qoftë kur kanë ankesa apo kritika për të adresuar.

Nuk ndodh që t’i mbyllet dera askujt, sepse respekti i ndërsjellë është zanafilla e detyrës institucionale dhe qytetare.

Sa për Teatrin Kombëtar, tanimë ka një vendim shumë të qartë të Gjykatës Kushtetuese, dhe ai vendim është vetëm për t’u zbatuar nga institucionet dhe per t’u respektuar nga të gjithë.

Pa përjashtim!”, shkruan Margariti.

e.r/dita