Një banesë është përfshirë nga flakët pasditen e sotme. Fatmirësisht nga zjarri i cili ka rënë në një banesë në lagjen numër 1 të qytetit bregdetar nuk ka të lënduar. Sipas dëshmitarëve, zjarri ka përfshirë fillimisht katin e parë të një banese, e më pas flakët janë përhapur edhe në katin e dytë.
Në vendin e ngjarjes kanë mbërritur menjëherë dy makina zjarrfikëse, të cilat vunë nën kontroll flakët e zjarrit.
Sipas policisë së Durrësit, në momentin që ra zjarri në banesë nuk kishte njerëz, ndërsa po punohet për hetimin dhe zbardhjen e shkaqeve të zjarrit.