Përgatitjet e zgjedhjeve, Wollfarth takon Lleshin dhe Bibën

Kreu i prezencës së OSBE-së në Tiranë Eugen Wollfarth zhvilloi një takim me kryetaren KQZ-së Lefteri Lleshi si dhe në/kryetarin Denar Biba. Në fokus të takimit të dytë brenda pak kohësh, i cili u zhvillua mesditën e sotme rreth orës 14:00 në ambientet e KQZ-së, ishin përgatitjet e zgjedhjeve të 23 Qershorit.

Ambasadori Wollfarth pas takimit në një prononcim për gazetarët tha se misioni i OSBE-së po monitoron situatën dhe procesin që do të vihet në zbatimin për numërimin e votave në Tiranë dhe Fier.

“Pra të pasurit e një rregullore të brendshme të KQZ është shumë e rëndësishme. Ne ishim këtu për të parë edhe një herë situatën me përgatitjen e zgjedhjeve dhe statusin e përgatitjes së dy projekteve të numërimit në Tiranë dhe Fier. Prezenca e OSBE do të vijojë të bashkëpunojë me trajnimin e komisionerëve zgjedhjeve” tha Wollfarth.

“21 Janari”, Wollfarth: Pandëshkueshmëria vihet në diskutim
Ambasadori Wollfarth duke iu përgjigjur pyetjes së gazetarit të NEWS24, Arbër Hitaj, në lidhje me vendimin që Gjykata e Tiranës dha pak ditë më parë për pafajësinë e dy gardistëve Ndrea Prendi dhe Agim Llupo, ambasadori tha:

“Sigurisht që gjykata duhet të marrë vendime bazuar në shtetin e së drejtës, unë solidarizohem me ndjenjat e familjeve të viktimave dhe me memndimin se pandëshkueshmëria mund të vihet në diskutim, por ne duhet të shohim edhe arsyetimin e gjykatës. Ekziston ende mundësia e apelimit të këtij vendimi. OSBE do ta ndjekë nga afër këtë proces”, tha Wollfarth.