Asnjëherë në historitë parazgjedhore të Shqipërisë nuk ka ndodhur që diplomacia ndërkombëtare të jetë kaq e zhvendosur nga normaliteti në raportet me një vend. Për shkak të të qenit traditë shtetërore, diplomacia fokusohet tek bashkëpunimi me pushtetin dhe zakonisht qetësimin e opozitës para zgjedhjeve. Rasti i zgjedhjeve të vitit 2013 në Shqipëri është i pazakontë, kur pesha diplomatike e opozitës është shumë më e madhe se e pushtetit dhe vëmendja e diplomacisë perëndimore është si të shpëtojë stabilitetin në vend nga politikat e pushtetit dhe jo të opozitës.
Karagjozllëqet e Sali Berishës në Facebook duan të fshehin atë që po ndodh para syve tanë, shkatërrimin e zgjedhjeve të lira dhe bllokimin e rotacionit me dhunë nga Sali Berisha. Dhe nëse do të jemi vërtet një komb evropian, duhet të asgjësojmë pikërisht këtë të keqe, njeriun që kërkon të na damkosë si vend primitiv, ku nuk kemi të drejtë të zgjidhemi dhe të zgjedhim, por vetëm të pranojmë pushtetin e tij. Duhet të ndalimin destabilizimin e Shqipërisë, jo duke dëgjuar ç’thotë Sali Berisha, por duke parë se çfarë po bën ai. Ai ka ndezur perhere shkrepësen për t’i vënë zjarrin këtij vendi.
Email nga adresa: [email protected]
Dikur, kishte individe per te cilet thuhej se punonin per vitin, ta zeme, 2000, 2010, 2020 etj. SRB-i e ka ne xhep rezultatin e 23 Qershorit (sipas tij, gjithnje) dhe, si gjithmone, duke punuar me moton “hapin kilometer”, tani po punon per variantet KREJT TE MUNDSHME, alaLibi, alaSiri.
Kembanes se alarmit “Duhet të ndalim destabilizimin e Shqipërisë… (nga SRB-i)” do t’i shtoja thirrjen e gjithkohshme te Fuçikut “Njerëz, jini vigjilentë!”