Angela Merkel vizitoi për herë të parë kampet e përqendrimit të Aushvic, në 14 vite si kancelare e Gjermanisë. Regjimi nazist torturoi dhe vrau miliona persona, pjesa më e madhe e të cilëve ishin hebrenj.
Merkel bashkë me kryeministrin polak, Mateusz Morawiecki që është njëherësh dhe i mbijetuar i kampit, kaluan portën famëkeqe sipër së cilës shkruhet “Puna është liri”.
Vizita e kancelares vjen pas rritjes së anti-semitizmit në Gjermani dhe përpara përvjetorit të 75 të çlirimit të kampit. Në vetëm dy muajt e fundit, dy persona janë vrarë pranë një sinagoge në lindje të vendit. Autori pranoi se veproi për motive anti-semitike
Merkel dhe Morawiecki nderuan viktimat e Holokaustit duke vendosur kurora me lule në monumentin “Muri i Vdekjes” të bllokut 11 në memorialin e kampit Aushvic. Gjatë kësaj vizite, Merkel njoftoi se qeveria gjermane do të dhurojë 60 milionë euro për të ndihmuar në ruajtjen e këtij vendi që dëshmon makabritetet e regjimit nazist.
l.h/ dita
Ju te dy qe beni homazhe ne perkujtim te te renve ne 75 vjetorin e clirimit te kampit Aushvicit.Kontriboni ne denimin e kolaboracionisteve Ballista shqiptare qe edhe sot mbrojne unitetin me ato te te parve te tyre me pushtuesit hitlerian qe ishin kunder lirise se popujve.