Vijon përplasja mes mjekëve në spitalin e Përmetit, për përgjegjësinë e mjekimit të pakujdesshëm të një 75-vjeçari që humbi jetën në mënyrë të mistershme, duke u gjetur poshtë krevatit i vdekur. Djali i viktimës Ardian Hysa, bëri denoncimin e ngjarjes në polici dhe prokurori, ndërsa publikoi edhe një video-përgjim ku mjekët pranojnë gabimin dhe nxjerrin përgjegjësitë. Djali akuzon mjekun Kiço Stefanidhi për vdekjen e babait të tij. Ngjarja ndodhi më 23 shtator të vitit 2013, kur Stefanidhi ishte mjek roje dhe nuk i dha ndihmën e parë të moshuarit.