Një aksident me pasojë vdekjen e një personi ka ndodhur në autostradën Lushnje-Fier.
Ngjarja ka ndodhur rreth orës 23:45, të mbrëmjes së djeshme, në afërsi të rrethrrotullimit të Kolonjës.
Një person i paidentifikuar ka përplasur me makinën e tij një këmbësor, identiteti i të cilit nuk bëhet i ditur ende. Si pasojë e plagëve të marra, ky i fundit ka gjetur vdekjen e menjëhershme.
Ndërkohë policia po punon për identifikimin e drejtuesit të mjetit dhe personit të aksidentuar. Materialet i kanë kaluar Prokurorisë së Rrethit Gjyqësor Lushnje, për veprën penale “shkelje e rregullave të qarkullimit rrugor” dhe “largim nga vendi i aksidentit”