Përplasen Shqipëria e Serbia në Asamblenë Parlamentare të NATO-s

Në sesionin e 60-të të Asamblesë Parlamentare të NATO-së i cili këtë vit po mbahet në Hagë është zhvilluar një polemikë mes delegacionit të Serbisë dhe të Shqipërisë në lidhje me ushtrimet e përbashkëta ushtarake të Serbisë dhe Rusisë, raporton Koha net.

Shefi i Kuvendit kombëtar të Serbisë në Asamblenë Parlamentare të NATO-së Dragan Shormaz ka ndërhyrë në fjalimin e shefes së delegacionit të Parlamentit shqiptar, Jozefina Topalli, pyeti sekretarin e përgjithshëm Stoltenberg për stërvitjet e përbashkëta të forcave të armatosura të Serbisë dhe Rusisë dhe vërtetësinë e pretendimeve se Rusia ndihmon forcat e armatosura serbe.

Me këtë rast shefi i delegacionit serb Dragan Shormaz theksoi se kolegët nga Parlamenti i Shqipërisë nuk posedojnë informacione të sakta për këto aktivitete të Serbisë dhe Rusisë.

“‘Kjo është një përgatitje për stërvitje të përbashkëta ushtarake mes Serbisë dhe SHBA-së’, tha Shormaz”, njoftojnë nga Parlamenti i Serbisë.

Gjatë sesionit vjetor të AP të NATO-s, në seancën plenare të pranishmëve iu është drejtuar sekretari i Përgjithshëm i NATO-s Jens Stoltenberg pas fjalimit të së cilit parlamentarët patën mundësi të shtojnë pyetje dhe komente.

Stoltenberg tha se Serbia është shtet sovran e cila vendos vetë për bashkëpunimet me vendet e tjera dhe se për NATO-n rajoni i Ballkanit Perëndimor është shumë i rëndësishëm, kështu që në këtë drejtim bashkëpunimi me Serbinë është me rëndësi të madhe.

Në Serbi, në fushën e trajnimit në Nikinci, më 14 nëntor të këtij viti, u zhvillua një stërvitje e përbashkët ushtarake të Ushtrisë serbe dhe Forcave të Armatosura të Federatës Ruse në të cilën morën pjesë më shumë se 400 ushtarë.