Një aksident i rëndë automobilistik me pasojë plagosjen e tre personave u regjistrua sot në Lushnjë.
Ngjarja ndodhi në lagjen Karbunarë e Madhe, ku një furgon pasagjerësh u përplas me një veturë.
Dy drejtuesit e mjeteve si dhe një pasagjer i furgonit mbetën të lënduar dhe u dërguan në Spitalin Rajonal Lushnjë për mjekime.
Policia ka nisur hetimet për zbardhjen e plotë të shkaqeve të aksidentit. Paraprakisht dyshohet se shkak është bërë humbja e kontrollit të shoferit të furgonit.