Një i moshuar ka humbur jetën në një aksident rrugor që ndodhi mëngjesin e sotëm.
Ngjarja u regjistrua në aksin rrugor Korçë – Pogradec, në afërsi të një pike karburanti, në Maliq, kur një automjet tip Benz ka goditur një të moshuar rreth të 70-ve, identiteti i të cilit nuk bëhet i ditur.
I moshuari humbi jetën në vend, pas përplasjes. Policia ka shoqëruar në komisariat shtetasin Tomor Çaushi, 50-vjeç, banues në Korçë, drejtues i mjetit.
Grupi hetimor ndodhet në vendngjarje dhe po punon, për të përcaktuar shkaqet dhe rrethanat e aksidentit. /Dita/