Përpara samitit ku do të diskutohen rezultatet e zgjedhjeve të Parlamentit Europian, Kancelarja gjermane Angela Merkel dhe shefi i Elizesë, Emmanuel Macron, kanë pasur një përplasje.
Shkak është bërë mënyra e përzgjedhjes së Presidentit të ri të Komisionit Europian.
Kreu i shtetit francez këmbëngul që procesi të mos jetë automatik. Merkel, nga ana tjetër, e bëri të qartë se Gjermania vazhdon të favorizojë zgjedhjen e kandidatit kryesor nga partia fituese e zgjedhjeve të së dielës.
Krerët e bllokut europian pritet të mblidhen në Bruksel për të folur mbi votimet në të gjithë BE-në, por edhe për caktimin e drejtuesve të rinj të institucioneve të Bashkimit Europian.
Kancelarja gjermane këmbëngul që krerët e BE-së t’i marrin këto vendime sa më shpejt.
Ai që mbështesin aleanca konservatore CDU/CSU dhe partneri i saj i koalicionit qeverisës SPD është procesi “Spitzenkandidat”, sipas të cilit kandidati i përzgjedhur nga partia fituese votohet në PE si presidenti i ardhshëm i Komisionit Europian.
j.l./ dita