Kavajë, shkrepen armët në rrugë, një i vdekur, 7 të plagosur

Një person është vrarë mesditën e sotme dhe shtatë të tjerë janë plagosur pas përplasjes me armë zjarri mes dy grupeve.

Nga informacionet paraprake, ngjarja ka ndodhur në hyrje të qytetit të Kavajës, te stacioni hekurudhor, dy grupe të rinjsh janë përplasur me armë zjarri, ndërsa i vdekur ka mbetur një person, rreth 50-vjeç që nuk kishte lidhje me ngjarjen.

Ai mësohet se ka qenë duke qëndruar në atë zonë, ndërsa e ka kapur breshëria e plumbave.

Dy nga katër personat që mbetën të plagosur nga shkëmbimi i zjarrit mes tyre janë dërguar në spitalin e Durrësit.

Sipas të dhënave të para kemi të bëjmë me një konflikt të hershëm mes dy grupeve, njëri prej të cilëve me rrezikshmëri të lartë me disa të skeduar më parë për konflikte dhe ngjarje kriminale.

Ngjarja ka tronditur qytetin e Kavajës.

e.t./dita