Trupi i njeriut është në gjendje të flasë e të shprehet qartë për atë që ka nevojë. Nëse njeriu është i vëmendshëm atëherë do të mësojë të ushqehet më shumë me produkte natyrale të stinës. Produktet e stinës janë burimet më të mira natyrale të vitaminave dhe mineraleve. Ato jo të stinës nuk ofrojnë sasinë maksimale të ushqyesve për të cilat trupi ka kaq shumë nevojë.
Vjeshta dhe Dimri
Në vjeshtë dhe në dimër, ditët janë më të freskëta e më të shkurtra ndaj dhe organizmi nuk ka më nevojë për shalqi apo sallata të lehta por për ushqime më të plota dhe të ngrohta. Duke qenë se në dimër, aktiviteti fizik është më i ulët dhe jemi të prirur që të qendrojmë sa më shumë në shtëpi apo në ambjente të mbyllura uria rritet edhe më shumë dhe është vet trupi që kërkon edhe më shumë ushqim. Tërheqja ndaj ushqimeve më të ngrohta siç janë supat me perime, drithërat, arrorët dhe avokado është automatike dhe natyrale sepse është vet organizmi që kërkon të konsumojë ushqime të ngrohta dhe të plota.
Në vjeshtë, mollët shijojnë më shumë sepse janë të stinës. Ato janë ndjeshëm më të pasura me fibër dhe pektinë të cilat e ndihmojnë organizmin të tresë më mirë ushqimet. Dimri vjen me një larmi agrumesh që na pajisin me doza të larta të vitaminës C. Kjo vitaminë është një nga mburojat më të mira kundër viruseve dhe baktereve që na kanosen në stinën e ftohtë. Ekspertët argumentojnë se kur hamë produkte të stinës, pra fruta dhe perime që mundësohen nga nëna Natyrë, organizmi ynë bëhet më i fortë dhe më i shëndetshëm. Supat me perimet e stinës janë gjithnjë një ushqim i shkëlqyer dhe bazë mbrojtëse ndaj dukurive të motit dhe shëndetit.
Ushqyerja e Shëndetshme Sipas Çdo Stine
Ekspertët janë të mendimit se njeriu duhet të jetë më i vëmendshëm ndaj produkteve të stinës dhe të konsumojë më shumë prej tyre për të qenë të shëndetshëm. Le të marrim si shembull stinën e verës. Në këtë stinë, njeriu kalon më shumë kohë në ambiente të jashtme, është më aktiv dhe i gëzohet orëve më të gjata në diell. Produktet më të mira të stinës së verës janë hidratuese dhe plotësojnë nevojat e organizmit.
Këtu përfshihet shalqini, frutat e pyllit, kastravecat, pjeshkët, pjepri dhe misri. Këto ushqime jo vetëm që janë të pasura me vitamina dhe minerale e karbohidrate por janë të freskëta dhe të stinës. Shalqini që prodhohet në sera dhe serviret në dimër nuk ka të njëjtin fuqi ushqyesish për organizmin. Ushqyerja me produkte të stinës i jep trupit vitaminat më të domosdoshme dhe krejt natyrale./AgroWeb.
o.j/dita
Kush ka qënë ai idiot që ka shkruar këtë IDIOTËSI?
normalitet gano,nuk është idiotësi fare!!
këta tipat shkollën e kanë bërë nëpër kafene e pube!universitetin?!
nuk e dinë ku është,por dipllomën e kanë në xhep!!
këta koqe gomari nuk e dinë që njeriu bën pjesë tek kafshët me gjak të nxehtë dhe për këtë arsye i duhet të prodhojë nxehtësi për të mbajtur temperaturën në nivelin mesatar 36 gradë celsius!!
duke ditur se jetojmë në një hapsirë të tokës ku temperatura ndryshon shumë çdo 6 muaj!pra kemi dy ekstreme të ftohetë e të nxehtë në dimër e në verë,dhe pak a shumë temperatura të njëjta në pranverë e vjeshtë,atëherë fare mirë mund të themi se gjat dimrit njeriut i duhet më shumë energji për të mbajtur temperaturën 36 gradë!!pra duhet të hajë më shumë për të kompensuar humbjen e temperaturës!!
në pikun e dimrit mund të kemi ndryshime temperaturash,ambien dhe trup, deri në 50 gradë!pra temperatura e ambientit mund të jetë 50 gradë më e ulët se ajo e trupit,pra nevojitet më shumë energji e prodhuar nga ushqimi për ta kompensuar këtë ndryshim temperature!!
në verë temperatura mund të arrijë deri në pikun e saj 4 ose,në rastet më ekstreme 10 gradë diferencë!pra më shumë se temperatura e trupit!për këtë arsye njeriu duhet të hajë më pak!!në këtë rast atij nuk i duhet ushqim për të përblluar diferencën e temperaturës por vetëm për të përballuar nevojën e lëvizjes fizike dhe të punës së trurit!!
gano,këta tipat që kanë shkruar këtë mënçuri të siguroj që nuk harxhojnë më shumë se 5-8% të energjisë në tru!!
ngrënja gjatë dimrit lidhet dhe me faktorë të tjerë,që janë të trashëguar nga kohërat e shkuara!