Vargje të nënshkruara
Kapo Labi
Mirëmëngjes e dashur Ditë
S’hoqe dorë nga ky zakon
Unë të lashë në Tiranë
Ti më prite në Drilon.
Në këtë mjedis të rrallë
Mes hijesh buzë liqenit
Ndjehesh si në një përrallë
Nga ato të Demostenit.
O Lasgush, të ishe gjallë
S’do të dilte nata as dita
Të zbrazje atë thes të rrallë
Mbushur plotë me lirika.
Shqipja jonë plot thesare
Tushemisht e Volorek
Po ke rritur dhe tradhtarë
Që të shesin për pesë lekë.
Shën Naum të kam përballë
Doja të isha atje
Ku u mboll germa e parë
Dhe u quajt ABC.
Të shitën ca tradhtarë
Dy sulltanë të pa fe
Për kolltuk vrisnin babanë
Sala sot e Zogu dje.
Sot i kemi me kuintalë
Ata që vodhën e vranë
Deputetë e pushtetarë
Vendin fukara na lanë.
Mirë se vjen o vjeshtë e parë
Të presim si qorri sytë
Kush vjedh pa inventar
Me ta do mbushim qelitë.
Kalofshi ditë të gëzuara! Nga Kapo Labi, Drilon, Pogradec.