Pescara në “pole-position” për të firmosur me Arlind Ajetin. Nëse disa ditë më parë mediat italiane raportonin se mbrojtësi i kombëtares shqiptare ishte shumë pranë kalimit te Bologna, në skenë për 22-vjecarin ka dalë sërish skuadra e sapongjitur në Serinë A.
Lajmi bëhet i ditur nga eksperti i merkatos në Apenine, gazetari Gianluca Di Marzio, i cili në faqen e tij shkruan se është Pescara ekipi që ndodhet më pranë Ajetit, madje drejtuesit e klubit abrucez po përshpejtojnë për të mbyllur sa më shpejt marrëveshjen me mbrojtësin e kombëtares kuqezi.
Trajneri i Pescarës, Massimo Oddo i ka ndjekur me vëmendje paraqitjet e Ajetit gjatë sezonit të kaluar me Frosinonen dhe dëshiron ta ketë me cdo kusht në skuadrën e tij shtatlartin e prapavijës.
Pasi ka parë edhe formën që ka shfaqur Ajeti me Shqipirinë në Euro 2016-të, ish mbrojtësi i Lazios dhe Milanit është bindur plotësisht për aftësitë që zotëron 22-vjecari dhe me të drejtë Oddo po lobon fuqishëm te drejtuesit e Pescarës për t’i bindur këta të fundit të firmosin me mbrojtësin.
Në garën për të marrë shërbimet e Ajetit, klubi abrucez ka parakaluar Bolognën, megjithatë fjalën e fundit se ku do të luajë në sezonin e ri do ta thotë vetë Arlind Ajeti.