Sipas shtypit gjerman, një nga shkaqet e mundshme që mund të ketë shtyrë pilotin gjerman drejt vetëvrasjes, është edhe ajo e ndarjes me të fejuarën, që kishte premtuar se do martohej.
Mësohet gjithashtu se në vitin 2009, Andreas Lubitz kishte qenë për gati 6 muaj nën kurim për probleme psikologjike.
Nga kontrollet fundit të ushtruara në shtëpinë e prindërve të pilotit, me të cilët jetonte, dalin fakte të reja mbi jetën private të tij. Sipas hetuesve, pista më e mundshme është ajo pasionale, një zhgënjim dashurie dhe ndarja nga vajza që dashuronte.
Nga hetimet e fundit mbi aksidentin, sipas televizionit amerikan CNN, deri në momentin e fundit, piloti ka qenë në kabinë por nuk ka drejtuar avionin drejt përplasjes. Duket se ka programuar pilotin automatik për një ulje deri në 100 m që ka çuar avionin drejt alpeve franceze.
Po sipas televizionit amerikan duket se në 9 minutat fundit, nga marrja nën kontroll e komandave deri në momentin e përplasjes, piloti ka pritur momentin e përplasjes me një “gjakftohtësi te frikshme”./D.T/DITA