Një shtetas italian është gjetur i pajetë sot në plazhin e Golemit.
Italiani mendohet se ka qenë me pushime në Shqipëri, ndërsa për momentin nuk jepet as emri e as gjeneralitetet e viktimës.
Policia thotë se nga hetimet e para rezulton se vdekja ka ardhur nga mbipërdorimi i viagrës.
Ky është rasti i dytë që një turist italian vdes në plazhet shqiptare, pasi dy ditë më parë në Radhimë vdiq si pasojë e atakut kardiak një pushues nga Apeninet, që kishte ardhur në vendin tonë së bashku me familjen.