Një person është plagosur me armë zjarri rreth orës 06:45 të mëngjesit të sotëm në fshatin Theth të Shkodrës.
Burime nga policia bëjnë me dije se i plagosur ka mbetur shtetasi Nazmi Topuzi 45 vjeç, banues në Tiranë, i cili ndodhej për pushime në pikën turistike.
Në momentin e ngjarjes, mësohet se 45-vjeçari ndodhej tek miku i tij, shtetasi me iniciale Gj.D.
Topuzi është transportuar drejt spitalit rajonal për marrjen e ndihmës mjekësore.
Drejt vendit të ngjarjes janë nisur uniformat blu, të cilat pritet të hedhin dritë mbi ngjarjen.