Një efektiv policie është plagosur mbrëmjen e sotme, vetëm pak minuta para mitingut elektoral të Partisë Demokratike në qytetin e Cërrikut.
Efektivi i policisë, Bashkim Malo, 40 vjeç, është qëlluar tre herë me thikë në rrethana të paqarta.
Ai ka marrë një goditje në kokë dhe dy në shpatull.
Efektivi ndodhet në spitalin e Elbasanit, në reanimacion.
Agresori Dilaver Hyseni është arrestuar nga policia.
Dyshohet se ai ka qenë në gjendje të dehur kur e ka kryer aktin.