Policia e Fierit ka arrestuar një 52-vjeçar, i cili dyshohet se është autori i plagosjes me thikë të 63-vjeçarit Petraq Gjika një ditë më parë. Policia vuri në pranga Xhevat Bregun, banues në Mbrostar, Fier.
Dje rreth orës 18:20, në lagjen “8 Shkurti” për motive të dobëta, Bregu goditi me thikë 63-vjeçarin duke e lënë të plagosur.
I plagosuri ndodhet në spital nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje e mbetur në tentativë” dhe “Prodhimi, mbajtja, blerja apo shitja e armëve të ftohta”.
l.h/ dita