Po dhe unë e kisha kunj, ta shihja Serbinë në gjunjë!

Janë të arta pikët,
që merr Shqipëria,
po më shumë vlerë,
ka sot drejtësia!

Për mua ajo,
është super primare,
kur është e plotë,
dhe përfundimtare!

Dy gjykata – ne,
na hodhën në thes,
po në Europë,
gjithnjë ka një shpresë!

Gjithmonë ka një shpresë,
mbi herët e tjera,
ndaj dhe Europa,
flet gjithmonë për vlera!

Vlera superiore,
është drejtësia,
ndaj dhe unë jam ngjirur,
me vargjet e mia!

Është një super vlerë,
ndaj i lumtur jam,
kur s’ke drejtësi,
xhungël je tamam!

S’ka në Europë,
i madh e i vogël,
askush s’të hedh dot,
si zar e si gogël!

Aty asnjë vendi,
nuk i vihet bisht,
dhe edhe me ne,
e ka seriozisht!

Nderi edhe pikët,
ju dhanë Shqipërisë,
hundën-pa problem,
ja ulën Serbisë!

Papritur Serbinë,
e pamë të gozhduar,
ndaj pamë një Vuçiç,
komplet të shfazuar!

Futbolli u kthye,
duel politik,
ne në çdo variant,
fituam-or mik!

Ka dhe do të ketë,
ende retorikë,
po vendimi s’ishte,
me sfond politik!

Drejtësi e plotë,
dhe përfundimtare,
them se ka gëzuar,
gjithë vatrat shqiptare!

Është hera e parë,
që një kombëtare,
Nënën Shqipëri,
e bën kaq krenare!

Kë kishim përpara,
që të gjithë e dimë,
ndaj i lehtësuar,
gjithë Kombi merr frymë!

Një erë lirie,
Vendimi na solli,
ringritja fillon,
edhe nga futbolli!

Edhe nga futbolli,
dhe nga çdo gjë tjetër,
për ta lënë mbrapa,
llagëmin e vjetër!

Unë s’jam shumë tifoz,
por po fluturoj,
dhe shqipet e Kombit,
me shpirt i uroj!

E uroj De Biazin,
që doli garant,
dhe Armando Dukën,
që është komandant!

Unë nuk jam tifoz,
por e kisha kunjë,
që “Serbinë e Madhe”,
ta shihja në gjunjë!