Pse nuk flet Jozi për vjedhjen e bankës?

Këto ditë, zonja Jozefina Topalli ka qenë aktive në Facebook duke shkruar për reformën territoriale, për Himarën, për CEZ-in, ka uruar edhe për festën e Bajramit, por në asnjë moment nuk ka folur një fjalë për skandalin që ka ndodhur në Bankën e Shqipërisë, ku flitet për një vjedhje 700 milionë lekë dhe deri më tani ka nëntë të ndaluar. Megjithatë, komentuesit ia kanë kujtuar këtë fakt ish-kryetares së Kuvendit. “Zonja Jozefina, faleminderit që reagon, për çdo gjë që ndodh në Shqipëri, por a mund të na thuash pse nuk flisni një fjalë për atë çka po ndodh me Bankën e Shqipërisë. Është vjedhja më e madhe që i është bërë ndonjëherë këtij popull, kaq e pandjeshme jeni ndaj parave, pse nuk flet njeri një llaf? Çfarë fshihet këtu? Apo ti ke hallin e vajzës, të cilën e dimë që është pjesë e këtij stafi, madje që punon dhe në Departamentin e Kërkimeve. O reagoni për çdo dëm dhe padrejtësi që i bëhet shqiptarëve dhe vendit që ke qeverisur për disa vite ose qepeni dhe zhdukuni”- i shkruan D. B në profilin e saj zyrtar në Facebook.