Po me Babalen ç’po bëhet xhanëm?!..

Filloi edhe Gushti,
vapë që ç’ke me të,
ende me Babalen,
s’e dimë se ç’u bë?!.

Po dimë që shepraku,
gënjeu açik,
tani ka kërkuar,
strehim politik!.

Strehim ka kërkuar,
për djalë e për vete,
se në Shqipëri,
ka rrezikim jete!.

Dhe nuk di nga kush,
të ruhet më parë,
ndaj po e strehojnë,
vllaznit kosovarë!.

Dhe nuk themi dot:
” Babalja gënjen!.”,
gjersa ekspertiza,
këtu nuk po vjen!.

Neve këto punë,
s’i kuptojmë mirë,
pse kjo ekspertizë,
është kaq e vështirë?!.

Dihet që Babalja,
keqaz ka gënjyer,
dhe shumë “burra shteti”,
keq i ka përlyer!.

Babale besniku,
i preu në besë,
ndaj ata për zbardhjen,
s’kanë hiç interes!.

Në kuzhinë të SHQUPIT,
çorba është gatuar,
plot pesë deputetë,
keq janë ngatërruar!.

Në një shtet normal,
këtë të sajonin,
që të pesta kokat,
do të fluturonin!.

Do të fluturonin,
në një vend normal,
dhe do të trajtohej,
si super skandal!.

Po veç me Babalen,
ja që s’u mbyll vera,
se Lulashi bëri,
skandale të tjera!.

Në sallë të Kuvendit,
trapi ligjëroi,
dhe sekrete shteti,
i dekonspiroi!.

Biles atë ditë,
bëri dhe garantin,
me gishtin tregues,
shënjoi Taulantin!.

Shënjoi Taulantin,
Lulash’ i kazanit,
si garant i MAFIES,
i gjithë Elbasanit!.

Po Balla i tha:
“Po gënjen-or qyq!.”,
edhe menjëherë,
e hodhi në gjyq!.

Dihet që Lulashi,
gjyqet s’i ka frikë,
për dreq-atë ditë,
qe në Amerikë!.

Kuptohet që gjyqi,
si gjithnjë u shty,
po ne hiç s’e dimë,
ç’po bëhet tani?!.

Po dimë që Lulit,
nuk i mbyllet gryka,
del e flet pareshtur,
pa presje dhe pika!.

Gjer në grykë i zhytur,
koka e partisë,
del dhe pa pikë turpi,
të gjithë i bën pis!

A.DUKA