Ishte menduar se janë zhdukur, por kanë dalë në dritë ekstrakte nga ditaret e Heinrich Himmler, arkitektit të Holokaustit.
Në më shumë se 1 mijë faqe, ai shpjegon se si shqetësohej më shumë se çfarë do të hante për drekë sesa për masakrën që po kryente.
Gjatë një vizite në kampin e përqendrimit në Buchenwald, ai shkruante: “Hëngra diçka dhe piva kafe në kazinonë SS”.
Historiani Matthias Uhl thotë se Himmler është një monstër e kontradiktave.
Nga njëra anë ishte zbatues i pamëshirshëm i projektit për të zhdukur 6 milionë hebrenj, nga ana tjetër ishte një familjar i mirë dhe shumë i dashur për elitën naziste.
Në gusht të vitit 1941, kur po ndiqte ekzekutimin masiv të hebrenjve në Minsk, ai thuajse humbi ndjenjat kur truri i njërit prej viktimave spërkati pallton e tij.
Në vitin 1944 ai tregon se si po bënte një masazh personal … kur urdhëroi vrasjen e dhjetë polakëve.
“Po eliminojmë hebrenjtë. Një problem i vogël,” shkruante ai.
Himmler shkruante shumë për vajzën e tij, Gudrun, të cilën e quante Puppi.
Ajo është gjallë akoma.
Himmler ishte i fiksuar me astrologjinë dhe mitet ariane.
Ai i sugjeron Hitlerit që ushtria të ushqehej me ato ushqeime si ushtria e Ghengis Khan.
Në maj të vitit 1945, Himmler u arratis nga Berlini i maskuar si ushtar.
Por aleatët e kapën në veri të Gjermanisë.
Ai u mor në pyetje, por gëlltiti një kapsulë cianidi në dhëmb, duke vdekur brenda pak minutash.
