Ministri i Brendshëm italian, Mateo Salvini është bërë sërish shenjestër e kritikave në Itali.
Kjo ka ndodhur për shkak të një videoje të publikuara nga “La Republicca” ku djali i tij Federico, 16-vjeç, merret nga Policia e shtetit italian dhe argëtohet duke i bërë xhiro me një motorr uji.
Kjo skenë ka ndodhur në bregdetin e Milano Marittima, në Papeete Beach, ku Salvini po kalon pushimet e verës.
Në një moment, ai shkelmon topin në det dhe i pëshpërit një polici: “Unë po shkoj në çadër”.
Pas kësaj policia merr motorin e ujit dhe shëtit Federicon.
Kjo skenë është filmuar nga një reporter, ndërsa në video shihet se dy persona përpiqen t’i largojnë kameran reporterit.
Ndërkohë pasi lajmi u bë publik, ministri Salvini ka kërkuar edhe falje duke thënë se i gjithë faji bie mbi të dhe jo tek policia.
“Gabimi im si baba, asnjë përgjegjësi nuk duhet t’i jepet policëve, të cilët përkundrazi i falënderoj sepse çdo ditë rrezikojnë jetën e tyre për vendin tonë”, tha ai.
Partitë e opozitës nuk e humbën mundësinë për të sulmuar Ministrin e Brendshëm.
“Policia ka për detyrë të garantojë sigurinë tonë dhe të mos argëtojë familjen e Salvinit”, tha Emmanuel Fiano nga Partia Demokratike e qendrës së majtë.
j.l./ dita
Jeni ber ptqr dhe ju te Dites…vetem per klikime, Pse nuk e theksoni min i brendshem italian, spo qe njerezia menhehere te indinjohet se ne “titull” ..ptu bthq ..