Policia e Tiranës njofton marrjen e masave me rastin e festave të fundvitit, duke garantuar rend, qetësi e siguri.
Zv/drejtori i policisë Tiranë për rendin dhe sigurinë Erzen Breçani deklaroi në një prononcim për mediat se gjatë ditëve të festive strukturat e Policisë së Tiranës do të kalojnë në shërbim të përforcuar.
Sipas tij se do të merren masa për rritjen e shërbimeve të Policisë Rrugore për normalizimin e trafikut gjatë festave në kryeqytet ndërsa ka kërkuar nga qytetarët përdorimin me efikasitet të automjeteve.
Nisur nga përvojat jo shumë të këndshme të viteve të shkuar, policia ka njoftuar masa edhe për parandalimin e përdorimit të fishekzjarrëve të rrezikshme në netët e festave.