Policia marokene arrestoi sot 52 persona me dyshimin për lidhje me milicinë ekstremiste të Shtetit Islamik (ISIS), njoftoi sot Ministria e Brendshme e vendit afrikan.
”Të 52 personat u arrestuan pas një operacioni gjigant të filluar më 19 korrik, ku u ndaluan gjithsej 143 persona”, tha policia në komunikatën e rastit.
”Dyshohet se të arrestuarit kërkonin ngritjen e një celule të ISIS-it në Marok”, sipas ministrisë së sipërcituar.
Qindra ekstremistë në Marok, Tunizi dhe Algjeri dyshohet se i janë bashkuar ISIS-it në Siri, Irak dhe Libi.