Me 11 nëntor pritet që Shqipëria të luajë një sfidë miqësore me Poloninë sipas burimeve të sportal.
Bisedimet kanë nisur e mbetet për tu përcaktuar nëse do të luhet në Shqipëri apo në Poloni.
Mundësitë më të mëdha janë që kuqezinjtë të luajnë në shtëpi këtë përballje miqësore e pikërisht në stadiumin “Elbasan Arena”.
Polonia ashtu si edhe ne është kualifikuar në fazën finale të Europianit të Francës e përballja me ta do të ishte një test i mirë për kuqezinjtë e drejtuar nga Xhani De Biasi.
Hera e fundit që Shqipëria ka luajtur me Poloninë ka qenë në vitin 2008 në Gjermani ku polakët fituan minimalisht me rezultatin 1-0.
Shqipëria numëron vetëm një fitore ndaj polakëve në 11 ndeshje të luajtura me ta, ndërkohë që 7 të tjera kanë përfunduar me fitoren e polakëve e tri në barazim.
Miqësorja me Poloninë nuk do të jetë e vetmja pasi drejtuesit e federatës po punojnë që të gjejnë edhe një tjetër kundërshtar të nivelit të lartë pasi në muajin nëntor luhen ndeshjet e play-off e skuadrat e tjera do kenë mundësinë të zhvillojnë dy sfida miqësore.