SMS në DITA
Në 0689073730
Faleminderit mik! Miku i mirë në kohë të vështirë. Tamam kështu u gjendët dhe ju z.Arvizu në vendin tim. Në kohë me dallgë e tufane, me trazira e deri dhe me vrasje, humbje jete njerëzish etj. Dhe kjo puna juaj është pikërisht ashtu si dhe vetë e pohoni, punë letrash, kështu u rastisi edhe juve. E luajtët si mundët për të qetësuar gjakrat e ndezura të shqiptarëve kokëfortë, për t’i ulur që të merreshin vesh me njëri-tjetrin. Dhe me përvojën e nje diplomati, karrierë pate dhe arritje të lavdërueshme. I themi një fjale, po nuk ta di robi, ta di Zoti, dhe kur them robi kam parasysh ata soj robi të radhës së tretë në sallën e Kuvendit. Por jo populli. Jo kurrë. Populli çmon bujarinë tuaj e të amerikanëve. Populli nuk është bukë shkalë. E keqja e madhe e këtij populli është se përgjatë tranzicionit i dolën dhe ja hypën aventurierët, dallaverexhijtë, gangsterët dhe trasformuan të shkretën demokraci. O Mete për vete! Hynë peliveçka e u trashën si mëzeter duke pirë gjakun e këtij populli të varfër. Këtë duhet ta dini edhe ju. E keni parë, dëgjuar e madje dhe prekur përgjatë viteve tuaja të punës këtu. E qartë se dhe populli do ta vuajë paksa padakordësinë e fundit me Amerikën, por ne thelb është e padrejtë. Akoma demokracia tek ne është si një foshnje e porsa ngritur në këmbë. Jepeni të lutem dorën, të qëndrojë e të eci, dhe jo ta shtyni. Boll e kanë shtyrë, e nëpërkëmbur këtë popull. Populli shqip-folës i kudo ndodhur ju duan, ju respektojnë, ju adhurojnë dhe ju kanë ikonë në rrugën drejt demokracisë. Ju kam ndjekur gjatë gjithë kohës, më është dhënë mundësia dhe të kem korespondencë me një bashkëatdhetarin tuaj, dhe me thënë të drejtën më duket krejt i shqiptarizuar. Madje dhe xhelozohem ndonjëherë se i ka studiuar me themel historinë, doket e zakonet e vendit tim. Falemiderit mik e rruga t’u bëftë dritë ngado shkofsh. Demir RUSI