Qeveria e Kosovës brenda 30-ditësh do të përgatisë një ligj të ri për lojërat e fatit.
Kryeministri Ramush Haradinaj deklaroi se qëllimi i këtij Projektligji është zbatimi i Rezolutës së dalë nga Kuvendi i Kosovës më datë 22 mars. Ai po ashtu beri te ditur se Qeveria ka afat prej 30 ditësh që të çojë në Kuvend ligjin e ri.
Me këtë ligj parashikohen të mbyllen të gjitha lojërat e fatit në afat prej 10 vitesh, me përjashtim të Lotarisë së Kosovës.
Ndërsa Kuvendi i Kosovës ka miratuar ditë më parë një rezolutë të propozuar nga Lidhja Demokratike e Kosovës, ku ishte kërkuar pezullimi i aktiviteteve të kazinove dhe lojërave të fatit si dhe plotësim/ndryshimi i ligjit përkatës.
Kjo rezolutë që mori mbështetjen e 74 deputetëve, përveç pezullimit të aktivitetit të lojërave të fatit, kërkoi nga Qeveria që të sjellë një ligj për t’i ndaluar ato.
Në javën e fundit, në Kosovë, dy persona u vranë brenda dy kazinove.
l.h/ dita