Cesare Prandelli pranon se Italia nuk është në mesin e favoritëve për të fituar Kupën e Botës, por mendon se ata mund të mposhtin cilindo favorit.
“Ne nuk jemi në mesin e më të fuqishmëve, por ne mund t’i mposhtim të gjithë të fuqishmit. Por unë do të isha i lumtur edhe sikur ta kaloja vetëm fazën e grupeve”, tha Prandeli.
Trajneri i Italisë tha se do të ishte i kënaqur nëse kombëtarja italiane do të kalonte rundin e parë.
“Nuk do të kishte kuptim të vendosim përgjegjësinë mbi një ekip të ri siç është i joni, është më inteligjente t’i caktosh vetes caqe realiste”, shprehet tekniku italian.
Më tej, ai tha se favoritët janë si gjithmonë, Brazili, Spanja, e cila sipas tij ka dominuar futbollin viteve të fundit dhe Gjermania për shkak të lojtarëve dhe mentalitet fitues që ka.
Ai nuk e përjashtoi edhe Argjentinën. Kjo e fundit sipas Prandelit ka talent të bollshëm. Trajneri i Italisë u shpreh se mund te kemi edhe befasi. “Kolumbia dhe Belgjika janë befasi të mundshme. Ne mund t’u krijojmë probleme të gjithëve”, ka thënë Prandelli për FIFA Weekly”, sqaroi Prandeli.