Policia e Elbasanit ka përfunduar me sukses operacionin e koduar “Supermarketi” dhe ka vënë në pranga një 23-vjeçar, pasi dyshohet të ketë falsifikuar kartëmonedha.
I arrestuari është shtetasi Enea Shera, banues në Tiranë.
I riu është ndaluar si rezultat i një pune intensive dhe të mirëorganizuar nga uniformat blu, pas një hetimi 6 mujor ku janë përdorur metodat speciale të hetimit.
Ndalimi i tij u bë në Elbasan pasi, në disa pika supermarketi në këtë qytet për blerje të ndryshme ka përdorur disa kartëmonedha të falsifikuara.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Falsifikimi i monedhave” parashikuar nga neni 183/2 i Kodit Penal.
l.h/ dita