Pas 14 vitesh në arrati, një 50-vjeçar është arrestuar nga policia e Fierit. Nikollaq Naci ishte shpallur në kërkim për prodhim dhe shitje të narkotikëve si dhe mbajtje pa leje të armëve luftarake. Ndaj tij ishte dhënë dënimi me 13 vjet burgim, për këto vepra penale.
Ka qenë data 06 shtator i vitit 2002, ku në fshatin Sheqishte, të qytetit të Fierit, Nacit i janë gjetur rreth 4 kg heroinë si edhe një armë zjarri pistoletë e tipit “Zastava”, një krehër dhe 84 fishekë.
Por emri i tij është edhe tek listat e të kërkuarve nga autoritetet ndërkombëtare. Në vitin 2009 Scotland Yard ndërmori një operacion për kapjen e 16 kriminelëve të rrezikshëm nga Evropa që fshiheshin në Britaninë e Madhe. Mes tyre ishin dhe 7 shqiptarë, si edhe fieraku Nikollaq Naci. Ai dyshohet se ka kryer edhe krime në Angli