Presidenti i Atletico Madrid, Enrique Cerezo, thotë se ai nuk është i befasuar që çdo skuadër është e interesuar ët nënshkruajë me Diego Costa. 25-vjeçari ka qenë në formë sensacionale këtë sezon, duke shënuar 25 gola në 29 paraqitje në La Liga, të cilat e kanë pozicionuar Atleticon në krye të tabelës. Dhe forma e tij ka joshur një varg klubesh evropiane.
“Ai ka qenë me ne për shumë vite. Ai ka qenë me shumë skuadra tjera në Spanjë [si huazim], dhe kudo që ka qenë, kanë folur mirë për të. Dhe kjo do të thotë shumë: se ai është një lojtar i çmuar. Andaj, çdokush e dëshiron atë”.
“Ai do të bëhet një prej golashënuesve më të mirë këtë sezon dhe do të shkëlqejë për Spanjën në Brazil, jam i sigurt. Ai ka kualitete dhe e meriton këtë, ai ka punuar fuqishëm për të arritur atje”, ka thënë Cerezo për Marca.