Vargje të nënshkruara,
Kapo Labi
Ditë, të shoh të pezmatuar
se nuk kemi opozitë
ne nuk jemi të gabuar
se na gjykon një tufë banditë
Lulashi e rrokomëni
shpikin e shajnë përditë
të tjerët u mbajnë iso
se dalin dosjet në dritë
Se kur je përlyer vetë
vetiu mbyllet dhe goja
ndaj edhe pakicës sonë
me kohë i ka dalë boja
Të vjedhësh popullin tënd
nuk ka krim më të shëmtuar
i pashpirt e i pamend
kur ha me këmbë e me duar
Jemi të rrallë në botë
që sa hap e mbyll sytë
dalin milionerë me okë
që s’numërojnë dot pasuritë
Ky ish shteti i kusarit
që ulërinte përditë:
Unë në postin e sulltanit
ju vazhdoni batërditë!
Kjo shumicë absolute
mund të bëjë dhe marrëzi
ndaj një opozitë frenuse
është domosdoshmëri
Kur përballë ke dallkaukë
pa vizion, pa dituri
të vjedhin e të hanë bukë
diktature je përsëri.
Presim vjeshtën me krahë hapur
të vendoset drejtësi
kush ka vrarë e kush ka vjedhë
të strehohet në qeli!