Françeskanët “presin” Papën

@borba

Nga nofka që mban, “borba” (serbisht: “lufta”), më kujton atë kohë pas Luftës së Dytë Botërore kur të parët e tu, së bashku me të tjerë qenë e çakej antishqiptarë, zhvarrosën dhe hodhën në Drin kockat e Poetit të Kombit, Padër GJERGJ FISHTËS. Dhe e gjitha asokohe bëhej në emër të Komunizmit dhe “kinse” tradhtisë së klerit katolik, por që në fakt ishte një shërbim që katili i këtyre martirëve, Enver Hoxha, i bënte Beogradit. Nuk dua t’i hyj shpjegimeve të mëtejshme me ty, – siç ka bërë, – replikuesi më lart “Sekretarja…”, sepse gjykoj se do ishte humbje kohe, pasi është çështje e mënyrës sesi një individ i gjykon dhe i ndjen mynxyra të tilla, por po të them se ti mor “birbo” (po ia huazoj “Sekratares…” këtë) je shëmbëlltyra më e mirë e vërtetësisë së profecisë së sociologut dhe politologut të shquar gjermano-britanik Ralf Darendorf, i cili në shkurt të vitit 1990, në esenë e tij “Has the East Joined the West?” (“A i është bashkëngjitur Lindja Perëndimit?”), thoshte: “Është e mundur të krijosh institucione të reja politike, të shkruash një kushtetutë, si dhe të bësh ligje zgjedhore në 6 muaj, po ashtu për 6 vite të ngresh një ekonomi të qëndrueshme, por duhen 60 vjet që të krijosh një shoqëri të vërtetë civile në ato vende.”
Kanë kaluar 24 vite dhe ti, si një shpirtzi model i atyre viteve, kur njerëzit vriteshin e linçoheshin me moton “o me ne o me ata”, je ende duke zhvilluar “borba”-n që krimineli Enver Hoxha nisi në vitin 1945 me elitën intelektuale të vendit dhe me klerin katolik, si pjesë të kësaj elite, duke u dëshmuar se edhe këtë herë ne shqiptarët mund të dalim nga përcaktimet e Dahrendorfit, por jo për faj të tij, por për shkakun që në gjirin e kësaj shoqërie jetojnë ende monstra!!!!!!!