Prindërit e një 17 vjecari në Itali janë paraqitur në komisariat e kanë kërkuar arrestimin e të birit. Kërkesa e tyre dukej paradoksale, por ishte në fakt një lutje.
“Na ndihmoni të ndalojmë gremisjen e fëmijës tonë të varur nga droga. Arrestojeni, për ta detyruar të shërohet. Është përpjekja e fundit që na mbetej për të bërë për shpëtimin e tij“, kanë thënë dy bashkëshortët e dëshpëruar. Dhe duket nuk janë të vetmit. Historia po përsëritet gjithmonë e më shpesh: nëna dhe baballarë që raportojnë adoleshentë me probleme droge sepse nuk I frenojnë dot.
Në këtë rast policët bënë aleancë me prindërit. Në një lloj “pakti” të pazakontë ata po përpiqen të bëjnë një ndryshim në jetën e djalit duke e “shkëputur” nga bota e drogës.
Ligji nuk e parashikon për askënd detyrimin e kurimit, as për të miturit. Djali kishte nisur të përdorte fillimisht kanabisin, por është përkeqësuar shumë shpejt deri sa mbërriti tek drogat e forta.
Prindërit treguan se ai kishte lënë shkollën, është dobësuar tmerrësisht shumë e në shtëpi sillet keq, kërcënon dhe vjedh.
l.h/ dita