Ende pa u tharë boja e korrupsionit për rrugën Durrës – Kukës –Morinë e cila filloi me 700 miljon euro dhe përfundoi ( ende nuk ka përfunduar në bazë të projektit ) me 1.2 miljard euro, po merret vendimi i keq për taksimin e rrugës e cila për shkak të ndërtimit me cilësi të dobët është bërë për rehabilitim. A ka ardhur koha për taksa rrugore kor ato nuk janë në përputhje me standartet ndërkombëtare , kur nuk ka sinjalistika, mbikalime, nënkalime vënde parkimi , e pa mure mbrojtëse ? Jo! Nuk ka vënd në botë të taksojë rrugët pa plotësuar standartet më minimale e të domosdoshme për të evituar aksidentet rrugore aq dramatike që ndodhin në Shqipëri. Po aspekti politik dhe flamujt që valvitët më 28 Nëntor çdo ti bëni ? Çuditem sa kurajozë dhe babëzitje tregoni ndaj fenomenit të korrupsionit e të kthyer në refren nga ndërkombëtarët për tu pasuruar pa limit në kurriz të popullit. Vendimi për taksimin e rrugës kombit duhet ta rishikoni apo ta anulloni zotërinj.
Mos merrni përgjegjësitë e ndarjes së shqiptarëve, ata ende për fajin e qeverisjes tuaj janë të varfër dhe nuk kanë kohë e mundësi t’ju përgjigjen tekeve tuaja, madje ëndrra e tyre nuk mund të realizohet me masa të rrepta e të pamëshirshme taksash të cilat në thelb janë pengesë serioze jo thjesht për komunikimin midis tyre por në pëmbajtje edhe më gjërë. Gjej rastin të bëj me dije se gjashtë muaj para fushatës duhet të ndërprisni privatizimet dhe konçensionimin e ndërmarjeve dhe sektorëve strategjikë si dhe tenderat e mëdha në ka mbetur ndonjë një pa bërë.
Letër e nënshkruar: Sadedin Çeliku