Një numër i madh i shqiptarëve të paregjistruar në Holandë ka alarmuar autoritetet vendase për veprimtarinë e tyre të dyshimtë.
Përafërsisht janë rreth 20 mijë shqiptarë që qëndrojnë për një periudhë relativisht të shkurtër në Holandë dhe vetëm 800 janë të regjistruar ligjërisht. Policia dhe drejtësia holandeze dyshojnë se shumë prej tyre kanë aktivitete kriminale.
“Ekziston dyshimi se ata shumë shpejt po ngjiten në majat më të larta të krimit. Duket se shqiptarët janë më shumë se mesatarja e krimit aktiv në Amsterdam kohët e fundit, kështu që ne do të donim të dinim se sa janë këtu”, ka thënë prokurori i Amsterdamit Maaike van Kampen.
Për të vërtetuar numrin e shqiptarëve që qëndrojnë në Holandë, gjatë verës një agjenci e specializuar monitoroi faqet shqiptare në internet që klikohen nga territori i Holandës përmes smartphoneve dhe tabletëve.
Rezultoi se me smartphone ekzistonin 35.953 vizitorë unikë dhe 4475 vizitorë nga tabletët. Këto shifra të larta janë ndoshta për shkak se një shqiptar mund të ketë në përdorim më shumë se një smartphone.
Kjo është arsyeja pse autoritetet holandeze kanë marrë për bazë shifrën 20 mijë shqiptarë dhe jo më shumë se 35 mijë.
Edhe ministrja holandeze e Drejtësisë, Justine Asbroek thotë se është shumë e dyshimtë veprimtaria e shqiptarëve në Holandë.
“Nëse i krahasojmë këto shifra me 800 shqiptarët e regjistruar, ky është një numër shumë i madh. Shqiptarët që arrestohen këtu, pothuajse gjithmonë kanë një histori të paqartë rreth aktivitetit të tyre në Holandë. Dyshimi është se një pjesë e konsiderueshme është e përfshirë në botën e krimit”, u shpreh ministrja Asbroek.
“Rritja e shqiptarëve është shqetësuese. Në Mbretërinë e Bashkuar ata kontrollojnë 60% të tregut të kokainës dhe janë shumë të dhunshëm. Me anë të bashkëpunimit intensiv midis policisë, gjyqësorit, autoriteteve tatimore dhe komunës së Amsterdamit, ne duam t’i parandalojmë ata që të ndërthuren me botën e sipërme të krimit”, shtoi prokurori van Kampen.
Sipas autoriteteve holandeze, ka një bashkëpunim të ngushtë me homologët italianë për të identifikuar shqiptarët e përfshirë në aktivitete kriminale në të dy shtetet.
Ka harruar ky qe te gjitha transportet me dhune te sklleverve nga Afrika ne Amerike (Veriore dhe Latine) i kane bere hollandezet. Madje kurre nuk kane kerkuar falje si shtet per bemat e tmerrshme qe kane bere. Vete Bill Klinton u kerkoj falje zezakeve amerikane nga Afrika per gjemen qe ju kishin bere duke i marre si skllever nga vendi i tyre dhe transportuar ne Afrike. Prandaj zoteri, nuk mund te jene te gjithe ata hallexhinj shqiptare qe kane ardhur pa dokumente te lidhur me krimin. Jane njerez hallexhinj. Sigurisht qe bejne pune te rendomta per te mbijetuar me femijet qe kerkojne ushqim. Komentet e ketij zoterie jane raciste dhe te ndyra, duke i cilesuar shqiptaret si te dhunshem dhe qe kryejne 60% te droges ne Angli. Harroj ky qe mafia italiane e hollandeze kane qene dhe jane tmerri i Europes dhe Amerikes me dhunen e tyre. Shqiptaret na paskishin qene me te dhunshmit. Ik ore, racist i ndyre!