Prokurori: Duam heqjen e imunitetit dhe kontroll në banesën e Tahirit

Prokurori Besim Hajdarmataj ka thënë gjatë mbledhjes së Këshillit të Mandateve se nuk duan arrestimin e Saimir Tahirit.

Hajdarmataj: S’kemi këtu për një mandat arresti ndaj Tahirit, pasi mendoj se arresti ndaj një deputeti, atë e jep gjykata. Kërkojmë vetëm heqjen e imunitetit që në çdo moment deputeti mund të jetë i ekspozuar ndaj një masë duke ju drejtuar krimeve të rënda. Kjo është ajo që kisha.

Usli Manja: I kërkohet këtij Këshilli për arrestin e deputeti Tahiri apo heqja e imunitetit, se duhet të sqarojmë këtë pjesë.

Nëse kërkon heqjen e imunitetit për hetim është vendimmarrje tjetër, nëse kërkoni arrestimin janë dy kërkesa. Për cilën do vendosim, na e qartësoni.

Hajdarmataj: Je korrekt, ne kërkojmë arrestin e Saimir Tahirit dhe kryerjen e kontrolleve të masës që ia ka në dispozicion. Kemi ardhur me një kërkesë për autorizim për heqjen e lirisë së deputetit dhe kryerjen e kontrolleve të banesës. E thashë që të mos ngatërrojmë këshillin me gjykatën, se s’kemi ardhur për mandatin e arrestit, por na hapi rrugë të veprojmë duke respektuar procedurat ligjore që i takojnë prokurorisë dhe gjykatës.