Prokuroria e Durrësit do të hetojë plagosjen e gjyqtarit Gjermeni

Edhe Prokuroria e Durrësit do të hetojë plagosjen e gjyqtarit Artan Gjermeni.

Kjo për faktin se prokuroria e kryeqytetit cilësohet si në konflikt interesi për hetimin e gjyqtarit në fjalë.

Gjyqtari i Gjykatës së Tiranës, mbeti i plagosur dy netë më parë.

Ai i deklaroi policisë se ishte plagosur nga një llamarinë në garazhin pranë shtëpisë së tij, por policia e hodhi poshtë këtë version.

Mësohet se katër plagët e marra janë kryer nga një mjet i llojit thikë.

Që prej plagosjes, spekulime të shumta janë ngritur për rastin. /Dita/