Prokuroria e Krimeve të Rënda ka kërkuar 5 vite burg për ish-drejtorin e Përgjithshëm të Burgjeve, Artur Zoto.
Artur Zoto akuzohet për korrupsion pasiv në lidhje me tenderat e ushqimeve në burgje.
Në hetimet për këtë çështje është edhe ish-nëndrejtori i Përgjithshëm i Burgjeve, Iljaz Labi. Seancat e kaluara ai ka dëshmuar se Artur Zoto i kishte thënë që duhet të takonte një biznesmen të cilit do t’i merrte 20 milionë Lekë të vjetra.
Në gjykim për tenderat e ushqimeve në burgje, Iljaz Labi ka marrë statusin e bashkëpunëtorit të drejtësisë. Ai pranoi se do të merrte pjesën e vet në këtë rast korrupsioni, duke mos e përjashtuar veten nga përgjegjësia.
l.h/ dita