Partia Socialiste ka zhvilluar sot një mbledhje me temë varfërinë dhe metologjinë në institucionet ndërkombëtare. Në kushtet e mungesës së shifrave zyrtare të argumentuara për varfërinë në vend, PS u referohet shifrave të Bankës Botërore, matje të kryera në kontekstin e vendeve të rajonit.
Sipas sociologut Kosta Bajraba, varfëria në vend vijon të rritet. Aktualisht ajo qëndron në nivelin 62.1 për qind sipas BB.
“23 për qind e familjeve shqiptare janë në varfëri, pra jetojnë në varfëri ekstreme. Ndihma ekonomike mbulon një të tretat e të varfërve. Ndihma nuk mbulon as nivelin e varfërisë ekstreme. Varfëria në Shqipëri është 62 për qind, sipas shifrave të BB, matur në kontekstin e vendeve të rajonit”, tha ai.
Bajraba tha se shifrat zyrtare përsa i përket varfërisë dhe ekonomisë në tërësi nuk janë aspak të vërteta.