Tre ligjet për marrjen e Statusit kandidat në BE kanë shkaktuar debate në mbledhjen e grupit parlamentar të selisë rozë lidhur deklaratat e fundit në media të deputetit Arben Malaj.
Burime nga selia e PS bëjnë me dije se deputetë të PS-se i kanë kërkuar Malajt të mos shprehë në media qëndrime ndryshe nga ato të grupit lidhur me tre ligjet e përcaktuara nga KE.
Nga ana tjetër vetë Malaj është mbrojtur me argumentin se jemi në demokraci dhe në demokraci ka mendim të lire, ndërsa ka ritheksuar dhe njëherë se PS nuk duhet të kushtëzojë tre ligjet për integrimin me cështjen e qarkut të Fierit.
Ndërkaq në mbledhjen e grupit të PS është diskutuar dhe qëndrimi për tre ligjet për integrimin, ku unanimisht është vendosur se s’mund të ketë votim të tre ligjeve pa u zgjidhur çështja e Fierit.