Socialistët krijuan një hartë fitoreje në të gjithë vendin, duke thyer në këtë mënyrë të gjitha barrierat e krijuara tërë këto vite të postkomunizmit, apo basationeve të caktuara.
Pas 27 vitesh, socialistët arritën që të fitojnë në tërë rrethin e Matit, përfshirë dhe atë të Klosit, duke e thyer në këtë mënyrë për herë të parë bastionin e demokratëve në këto rrethe, që nuk kishte dhënë kurrë votë në shumicë majtas për 27 vite.
Aq më tepër që bashkia e Matit por dhe e Klosit drejtohen që nga viti 2015 nga kryetarë bashkie, përfaqësues të Partisë Demokratike.
Njëherësh, duke qënë se në zgjedhjet e kaluara PD ka qënë mbi 3000 vota më shumë se sa PS, rikuperimi në zgjedhjet e 25 qershorit nga ana e PS ka qënë 5500 vota.