Zakonisht, ne përdorim bimë dhe erëza të ndryshme për të shijuar ushqimet, pa menduar se këta përbërës kuzhine mund të përdoren edhe për qëllime të tjera. Një rast i tillë është përdorimi i gjetheve të dafinës.
Gjethet e kësaj bime përmbajnë shumë vlera të dobishme për shëndetin, si për shembull veti antiseptike, antikancerogjene dhe antioksidantë. Janë po ashtu një burim i rëndësishëm i vitaminës A, B, C dhe acidit folik. Nuk është për t’u nënvlerësuar edhe përmbajtja e mineraleve qe ato përmbajnë si kaliumi, bakri, kalciumi, mangani, hekuri, seleni, zinku dhe magnezi.
Djegia e gjetheve të dafinës është shumë e dobishme për të relaksuar muskujt, për të qetësuar mendjen dhe për të përmirësuar gjendjen shpirtërore. Kjo është edhe aryseja përse përdoreshin gjerësisht edhe nga grekët e lashtë. Përveç kësaj, besohej se gjethet e saj mund të mbështesnin dhe trajtimin e epilepsisë.
Për të marrë përfitimet shëndetësore të tyre mund t’i ndizni lehtë dhe me kujdes në një tas rezistent ndaj nxehtësisë dhe të lini aromën të përhapet ngadalë nëpër shtëpi.
e.t./dita