Një person është plagosur me armë zjarri mbrëmjen e së enjtes, në lagjen “Vasil Shanto”, në Tiranë. Martin Nanaj, 24 vjeç, nga Fieri është plagosur pas një grindjeje të çastit nga Aglind Bejko, 25 vjeç.
Mësohet se autori i plagosjes është djali ia ambasadorit tonë në Emiratet e Bashkuara Arabe. Sipas policisë, konflikti ka lindur brenda një lokali nate, për arsye banale. “Pse më pe” ka qenë fraza që ka lindur konfliktin, ndërsa më pas të rinjtë kanë dalë “për t’u sqaruar” jashtë, ku ka ndodhur edhe plagosja.
I plagosuri është dërguar në Spitalin Ushtarak, ku bluzat e bardha thonë se është jashtë rrezikut për jetën. Ndërkohë, në lidhje me autorin e plagosjes, policia tha se është shpallur në kërkim.